Khamoshi bol uthe

Khamoshi bol uthe, to har nazar paigaam ho jaye
Ye sannata agar had se badhe to kohraam ho jaye

Sitare mashaalen Le kar mujhe bhi dhoondne niklen
Mein rasta bhool jaoon to junglon mein shaam ho jaye

Mein wo Adam-e-guzedan hoon Jo tanhai k sehra me
Khud apni chhaap sun kar larza bar-andaam ho jaye

Misaal aisi hai is daur-e-khirad k hosh mandon ki
Na ho daaman me zarra aur sehra naam ho jaye

Shakeeb apne tarruf ke liye ye baat kaafi hai
Hum is se Bach ke chalte hain Jo rasta aam ho jaye